Անգլիայում 45-ամյա Գեորգի Տրայկովը կես տարում երկրորդ անգամ է հաղթել վիճակախաղով՝ ստանալով ընդհանուր 1.1 միլիոն ֆունտ: Այս մասին հայտնում է The Daily Telegraph-ը:
Նրա վերջին մրցանակը կազմել է 160 հազար ֆունտ: Նա այդ գումարը շահել է EuroMillions վիճակախաղով: Մինչ այդ՝ 2011-ի սեպտեմբերին, կրկին EuroMillions-ը նրան 1 մլն ֆունտ էր բերել:
Գրեգորի Տրայկովը (սպորտային սկայդայվինգի թիմի անդամ), որն աշխատում է անշարժ գույքի ոլորտում և Բուլղարիայից Անգլիա է տեղափոխվել 1995 թվականին, խոստովանել է, որ երկրորդ մրցանակն իր համար այնքան էլ տպավորիչ չի եղել: Նրա խոսքով՝ ինքը հաղթանակի մասին իմացել է խաղարկությունց երկու ամիս անց: Նրան ընդամենը մեկ թիվ չի բավականացրել 12 միլիոն ֆունտի ջեքփոթը շահելու համար:
Տրայկովը, որը միայնակ դաստիարակում է 13-ամյա դստերը, ասել է, որ իր առաջին մրցանակը նա ծախսել է դստեր մասնավոր դպրոցի վրա, ինչպես նաև վճարել պարաշյուտային սպորտի նրա պարապմունքների համար: Վերջին մրցանակի գումարները նա որոշել է ծախսել տան վերանորոգման վրա:
EuroMillions-ը միջազգային վիճակախաղ է, որին մասնակցում են 9 եվրոպական երկրներ: Խաղարկություններն անցկացվում են յուրաքանչյուր երեքշաբթի և ուրբաթ: