Գերմանիայի Աախեն քաղաքի ոստիկանությունը տուգանք է դրել ձնե մեքենայի սխալ կայանման համար: Այս մասին հայտնում է PR Online-ը: Ոստիկանության աշխատակիցները իրական մեքենայի հետ են շփոթել ամբողջությամբ ձյունից պատրաստված Volkswagen Beetle-ի պատճենը:
Մեկնաբանելով կատարվածը՝ ոստիկանները նշել են, որ մեքենան, նույնիսկ եթե հաշվի առնենք այն փաստը, որ այն ձյունից է պատրաստված, խանգարել է այլ տրանսպորտային միջոցների երթևեկությանը և զբաղեցրել ճանապարհի հատվածը, որը նախատեսված չի եղել ավտոկայանման համար: Մտադի՞ր է ոստիկանությունը գտնել ձյունե ավտոմեքենայի հեղինակին, թե՞ ոչ՝ չի հաղորդվում:
Ականատեսների խոսքով՝ ձյունե մեքենան փողոցում է հայտնվել գիշերը: Այն պատրաստված է եղել ամենայն մանրամասնությամբ: Շատերն այն իսկապես իրական մեքենայի տեղ են դրել: Իրավապահները դրա կեղծ լինելը պարզել են միայն այն ժամանակ, երբ փորձել են մաքրել ձյունով պատված պետհամարանիշները:
Հիշեցնենք, որ մի քանի օր առաջ Եվրոպայում, մասնավորապես՝ Գերմանիայում մեծ տեղումներ են գրանցվել:
