Ադրբեջանական Anspress.com կայքի փոխանցմամբ, ամերիկաբնակ ադրբեջանցիները ԱՄՆ նախագահ Բարաք Օբամային կոչ են արել իր ապրիլքսանչորսյան ելույթում չգործածել «Ցեղասպանություն» եզրույթը: Բացի այդ, ադրբեջանցիները պատրաստվում են հակահայկական ու հակաքրդական միջոցառումներ իրականացնել:
ՀՅԴ բյուրոյի Հայ դատի և քաղաքական հարցերով գրասենյակի պատասխանատու Կիրո Մանոյանը «Առաջին լրատվական»-ի հետ զրույցում կարծիք հայտնեց, թե դա զարմանալի չէ, քանզի ադրբեջանցիներն ու թուրքերը հայտարարում են, որ իրենք մեկ ազգ են, երկու կամ երեք պետություն:
«Դա այն մարտավարությունն է, երբ ասում են, որ լավագույն պաշտպանությունը հարձակումն է, և իրենք փորձում են նախաձեռնել խնդրի խոչընդոտումը, այդպիսով փորձելով պաշտպանել իրենց խոցելի լինելը»,- եզրակացրեց Մանոյանը:
