Եվրոպական և եվրաատլանտյան կառույցներին ինտեգրման հարցերով Վրաստանի պետնախարար Ալեքսի Պետրիաշվիլին և ԵՄ պատվիրակության ղեկավար Ֆիլիպ Դիմիտրովը չորեքշաբթի ստորագրել են ԵՄ-ի կողմից Վրաստանին 40 մլն եվրո հատկացնելու մասին համաձայնագիր: Այս մասին հայտնում է Trend գործակալությունը:
Տրամադրված միջոցները կուղղվեն գյուղատնտեսության ոլորտի զարգացման քաղաքականության աջակցմանը:
Հատկացվող միջոցներից 18 միլիոնը կուղղվի պետբյուջե, իսկ 22 միլիոնը՝ փոքր դրամաշնորհային գյուղատնտեսական նախագծերին, փորձագիտական օգնության ծրագրին, ինչպես նաև նախագծերի ընթացքի մոնիտորինգին, աուդիտին և իրականացվող բարեփոխումների գնահատմանը:
Ֆիլիպ Դիմիտրովի խոսքով՝ փաստաթղթերի վրա աշխատանքը երկար է տևել:
Համաձայնագրի ստորագրման արարողությանը ներկա Վրաստանի գյուղատնտեսության նախարար Դավիթ Կիրվալիձեն ընդգծել է, որ այդ օգնությունը կհատկացվի նաև ֆերմերներին վարկեր տրամադրելուն:
