Իրանցի ազդեցիկ այաթոլլաներ Նասիր Մեքարիմ Շիրազին և Լյութֆուլլա Մեքարիմ Շիրազին սուր քննադատության են ենթարկել Իրանի նախագահ Մահմուդ Ահմադինեժադին՝ Վենեսուելայի նախագահ Ուգո Չավեսի թաղման ժամանակ հանգուցյալի մորը գրկելու համար։ Նրանք նաև դատապարտել են Նովրուզ տոնի կապակցությամբ երկրում անցկացվող հանդիսությունները։ Այս մասին տեղեկացնում է Mehr գործակալությունը:
Նրանց խոսքերով՝ Թեհրանում Նովրուզը դիմավորելու 4 ժամանոց միջոցառման ժամանակ եղել են նաև պարեր, ինչը հակասում է շարիաթի օրենքներին:
Այն, որ Ահմադինեժադը մարտի 9-ին գրկել է Չավեսի մորը՝ Ելենա Ֆրիասին, որպեսզի մխիթարի նրան, Իրանի կրոնական շրջանակների կողմից խստորեն դատապարտվել է: Ավելի վաղ Հոգևոր ուսուցիչների համայնքի նախագահ այաթոլլա Մուհամմեդ Յեզդին հայտարարել էր, որ Ահմադինեժադի այդ քայլն անհարիր է նախագահին:
