Ադրբեջանական Turan լրատվական գործակալության փոխանցմամբ՝ Ադրբեջանի պետական նավթային հիմնադրամն այս տարվա առաջին կեսին ստացել է ընդամենը 4 միլիարդ և 54 միլիոն մանաթ (3.9 միլիարդ դոլար)։ Այդ մասին վկայում է երկրորդ եռամսյակի արդյունքներով հիմնադրամի ներկայացրած հաշվետվությունը։
Ընդգծվում է, որ նախորդ տարվա հաշվետու ժամանակահատվածում հիմնադրամի եկամուտները կազմել են մոտ 6.5 միլիարդ մանաթ կամ 8.3 միլիարդ դոլար։ Նախորդ տարվա համեմատ մանաթի տեսքով եկամուտները նվազել են 33 տոկոսով, իսկ դոլարի տեսքով՝ 2.1 անգամ։ 2014 թվականի արդյունքներով՝ հիմնադրամի ընդհանուր եկամուտները կազմել են 16.2 միլիարդ դոլար։
