Լոս Անջելեսի արքեպիսկոպոսարանը որպես փոխհատուցում 9.9 մլն դոլար կվճարի քահանա մանկապիղծ Մայքլ Բեյքերի զոհերին, որին քողարկել է քաղաքի նախկին արքեպիսկոպոս, կարդինալ Ռոջեր Մահոնին: Դատական գործարքի պայմանների համաձայն՝ քահանաները չեն խոստովանում իրենց մեղքը, իսկ 4 հայցվորները հրաժարվում են իրենց պահանջներից՝ հայտնում է ITAR-TASS-ը:
Լոս Անջելեսի դատախազության տվյալներով՝ Բեյքերը 1986-ին իր մեղքը խոստովանել է կարդինալ Մահոնիին, որը նրան օգնել է խուսափել պատասխանատվությունից՝ նրան ուղարկելով բուժման և Նյու Մեքսիկո՝ հետագա ծառայության: Սակայն Բեյքերը կրկին ցուցաբերել է իր արատավոր հակումը և 2000-ին զրկվել հոգևորականի աստիճանից: Մեղադրող կողմը ենթադրում է, որ մանկապիղծի զոհ է դարձել 23 մարդ:
Ներկայում Մահոնին ազատված է եկեղեցու ներսում իր բոլոր պարտականություններից: Չնայած դատին՝ 77-ամյա հոգևորականը, որը ձայնի իրավունք ունի և Պապի պոտենցիալ հավակնորդ է՝ ինչպես 80 տարեկանից փոքր յուրաքանչյուր կարդինալ, մեկնել է Վատիկան՝ իր 114 գործընկերների հետ մասնակցելու Հռոմի պապի ընտրության կոնկլավին:
ԶԼՄ-ների տեղեկությամբ՝ կոնկլավի սկսվելուց առաջ Մահոնին Լոս Անջելեսում տեղի ունեցածի մասին զեկուցել է Վատիկանի գերագույն ղեկավարությանը:
