Վերջին 23 տարում ԱՄՆ-ի Հանրապետական կուսակցության ժողովրդականությունն ընկել է մինչև նվազագույն մակարդակ: INTERFAX-ի հաղորդմամբ՝ այս մասին վկայում է Pew Research Center գիտահետազոտական կենտրոնի հարցումը:
Արդյունքների համաձայն՝ ներկայումս հարցվածների միայն 32%-ն է նախընտրություն տալիս հանրապետականներին, մինչդեռ 60%-ը պատրաստ չէ աջակցել նրանց:
Հարցումը ցույց է տվել, որ Հանրապետական կուսակցության ժողովրդականությունը կտրուկ նվազում է 2015թ. սկզբից: Այսպես՝ հունվարին հաջակցություն հանրապետականների արտահայտվել է 41%-ը, 53%-ը դեմ է արտահայտվել:
Pew Research Center-ի տվյալներով՝ Դեմոկրատական կուսակցության ժողովրդականությունը երկրի բնակչության շրջանում գրեթե չի փոխվել տարվա սկզբից: Հուլիսին դեմոկրատների քաղաքական կուրսին աջակցության մասին հայտնել է հարցվածների 48%-ը՝ հունվարի 46%-ի համեմատ:
Հուլիսի 14-20-ն անցկացված հարցմանը մասնակցել է 2000 չափահաս ամերիկացի:
