Goldman Sachs-ի վերլուծաբանները մոտ հեռանկարում շեշտը դնում են հումքային ապրանքների վրա: Ինչպես հաղորդում է Vesti-ն, Goldman Sachs-ում առավել հեռանկարային ապրանքներ են համարում նավթն ու պղինձը: Նավթը նախկինի պես գրավիչ է մնում շուկայում աճող պահանջարկի և ՕՊԵԿ-ի պահուստային հզորությունների սահմանափակության շնորհիվ, ինչպես նաև համաշխարհային քիչ պաշարների պատճառով:
Goldman Sachs-ը սպասում է, որ նավթի գինը 6 տոկոսի աճ կգրանցի աշխարհաքաղաքական ռիսկերի աճի և տարվա երկրորդ կեսին տնտեսական իրադրության լավացման շնորհիվ:
Վերլուծաբանները սպասում են, որ պղնձի գները կշարունակեն աճել՝ կապված Չինաստանի շինարարական ոլորտի կողմից պահանջարկի աճի հետ:
Ոսկուն առնչվող պատմությունը միանգամայն այլ է: Goldman-ը սպասում է, որ մոտ ժամանակներս այդ մետաղի արժեքը կբարձրանա ներկայիս մեկ տրոյական ունցիայի 1578 դոլարից հասնելով 1615 դոլարի, իսկ այնուհետև 12 ամսվա ընթացքում կնվազի մինչև 1550 դոլար:
