Սերբիայի ոստիկանությունը գտել է Ռեմբրանդի «Հոր դիմանկարը» կտավը, որը սերբիական Նովի Սադ քաղաքի թանգարանից գողացվել էր 2006թ-ի հունվարին, տեղեկացնում է ոստիկանության ղեկավար Միլորադ Վելյովիչը:
Ինչպես հաղորդում է NEWSru.com-ը, կտավը հայտնաբերվել է Սրեմսկ-Միտրովիցա քաղաքի մերձակայքում՝ Բելգրադից 70 կմ արևմուտք: Ոստիկանությունը ձերբակալել է չորս կասկածյալների, ովքեր կասկածվում են գողության մասնակցելու մեջ: Կտավի իսկությունը հաստատվել է փորձագետների կողմից:
Կտավը ստեղծվել է 1630 թ.: Հափշտակելուց հետո փորձագետները կտավը 2,5 միլիոն ֆունտ են գնահատել:
Յոթ տարի առաջ Նովի Սադի թանգարան մուտք գործած հանցագործները հափշտակել են նաև Ռուբենսի «Սենեկան», Պիեռ Ֆրանչեսկո Մոլայի «Գիշերային բնանկար ձկնորսների մասնակցությամբ» և XVI դարի եվրոպացի անհայտ նկարչի «Քրիստոսի գլուխը» կտավները:
