Հաքերները հերթական դիվերսիան են իրականացրել ԱՄՆ-ում՝ համացանցում տեղադրելով ամերիկացի քաղաքական գործիչների և հայտնի մարդկանց առնչվող գաղտնի տեղեկություններ:
Հետաքննությունների դաշնային բյուրոն և Լոս Անջելեսի ոստիկանությունը երկուշաբթի հաստատել են, որ տեղյակ են՝ su դոմնով կայքում սոցիալական ապահովագրության քարտերի և կրեդիտ քարտերի տվյալներ են հայտնվել: Այս մասին հայտնում է Associated Press գործակալությունը:
Հաքերների ենթադրյալ զոհերի թվում են FBI-ի տնօրեն Ռոբերտ Մյուլլերը, Լոս Անջելեսի ոստիկանապետ Չարլի Բեքը, միլիարդատեր Դոնալդ Թրամփը, շոու բիզնեսի 12 ներկայացուցիչներ՝ Բեյոնսեն, Բրիթնի Սփիրսը, ռեփեր Ջեյ Զին, Փերիս Հիլթոնը, Մել Գիբսոնը, Էշթոն Կուտչերը և այլք:
Ցուցակում հայտնվել են նաև ԱՄՆ նախկին պետքարտուղար Հիլարի Քլինթոնը և փոխնախագահ Ջոզեֆ Բայդենը, թեև նրանց կրեդիտ քարտերի տվյալներն ու հասցեները կայքում չեն հիշատակվել:
