Թուրքական Anadolu լրատվական գործակալության փոխանցմամբ՝ Շանլուրֆա նահանգի Ջեյլանփընար շրջանում սպանվել է երկու ոստիկան։ Այդ մասին հայտարարել է նահանգապետ Իզզեթթին Քյուչուքը։ Նրա խոսքով՝ ոստիկաններին հրազենով սպանված վիճակում հայտնաբերել են իրենց տներում։
Հաղորդվում է, որ նրանցից մեկը ծառայում էր տեղի անվտանգության ծառայության ահաբեկչության դեմ պայքարի բաժանմունքում, իսկ մյուսը՝ արագ արձագանքման ծառայությունում։ Ներկայումս հստակեցվում է ոստիկանների սպանության ու Շանլըուրֆայի Սուրուչի շրջանում իրականացված ահաբեկչության միջև կապի առկայության հարցը։ Ահաբեկչության հետևանքով զոհվել էր 32 մարդ։ Ահաբեկչությունը հարուցել է քրդերի զայրույթը։
