ԱՄՆ-ի իշխանությունները հետ են ուղարկել Վենեսուելայի դեսպանատան երկու կրտսեր դիվանագետների՝ ի պատասխան Կարակասի կողմից նմանատիպ քայլի:
Դիվանագետներ Օրլանդո Խոսե Մոնտանեսը և Վիկտոր Կամակարո Մատան լքել են ԱՄՆ-ի մայրաքաղաքը կիրակի օրը: Այս մասին տեղեկացնում է ИТАР-ТАСС-ը:
Մարտի 5-ին Վենեսուելայի փոխնախագահ Նիկոլաս Մադուրոն կառավարության արտահերթ նիստին հայտարարել է, որ Ուգո Չավեսի հիվանդության համար մեղավոր են արտաքին թշնամիները: Դրանից հետո Մադուրոն հայտարարել է, որ Վենեսուելան հետ է ուղարկում ԱՄՆ-ի դեսպանատան երկու ռազմական կցորդներին:
Այս երկու երկրների միջև դիվանագիտական հարաբերությունները երկու տարուց ավելի է սահմանափակվում եմ գործերի ժամանակավոր հավատարմատարներով:
