Մենք հավատում ենք, որ այն, ինչ ստեղծում ենք ուրիշ պետությունների հետ գլոբալ անվտանգության ուղղությամբ, էլ ավելի նշանակալի չափերով կվերադառնա մեր պետությանը, հայտարարել է Վրաստանի նախագահ Գեորգի Մարգվելաշվիլին Հավլաբարի նախագահական նստավայրում` Եվրախորհրդի նախագահ Դոնալդ Տուսկին ներկայացնելով վրացական խաղաղարար զորքը Կենտրոնական Աֆրիկյան Հանրապետությունում ԵՄ առաքելության հովանու ներքո: Այս մասին հայտնում է apsny.ge-ն:
Ըստ նախագահի խոսքերի՝ Վրաստանը զարգանում է որպես գլոբալ անվտանգության պատասխանատու պետություն:
Ներկայացնելով վրացական բանակի պատմական ուղին՝ նա ասել է, որ իրենք իրենց նախնիների նման հենվում են ամենակարևոր և ռազմավարական զենքի` վրացական հասարակության վրա, ով դարերի ընթացքում պայքարել է իր անկախության և ազատության համար և երբեք չի հանձնվել:
Ապա նա նշել է՝ ընդամենը մի քանի տասնյակ տարի առաջ վրացական պետությունը նորից կայացավ:
