Բրիտանական The Independent թերթին տված հարցազրույցի ժամանակ Օդեսայի նահանգապետ Միխեիլ Սաակաշվիլին մեկնաբանել է Ուկրաինայում ստեղծված իրավիճակը։ Սաակաշվիլին հայտարարել է, որ Ռուսաստանի նախագահ Վլադիմիր Պուտինը տարված է ՆԱՏՕ-ին ստուգման ենթարկելու գաղափարով:
«Պուտինը չի հարգում ազգային սահմանները, և նա ձգտելու է առաջ գնալ ամենուրեք։ Ես 2008 թվականին կանխատեսում էի, որ Ուկրաինան կլինի հաջորդը։ Այժմ հաջորդը կարող են լինել Բալթյան երկրները։ Չի կարելի պնդել, թե նրանք չեն վերադառնա Վրաստան կամ Ադրբեջան»,- ասաց նա։
Սաակաշվիլին հայտարարել է, որ ներկայումս Ուկրաինայում վճռվում է ողջ տարածաշրջանի ճակատագիրը, և եթե Ուկրաինան ընկնի, թեև ինքը վստահ է, որ դա տեղի չի ունենա, կընկնի նաև ողջ տարածաշրջանը։
