Ադրբեջանական Turan լրատվական գործակալության փոխանցմամբ՝ Բաքվում Ադրբեջանի դեսպան Ռոբերտ Սեկուտան հայտարարել է, որ շարունակվում են մարդու իրավունքների հարցերով երկկողմ հանձնաժողովի ստեղծման նախապատրաստական աշխատանքները, ինչի շուրջ պայմանավորվածությունը ձեռք է բերվել ԱՄՆ պետքարտուղարի տեղակալ Վիկտորյա Նուլանդի փետրվարյան այցի ժամանակ։
«Մենք իսկապես քննարկում ենք ժողովրդավարության ոլորտում հանձնաժողով ստեղծելու հարցը։ Ներկայումս այդ հարցը լուծման փուլում է, տարվում են բանակցություններ։ Նուլանդն աձամբ է շփվել Ադրբեջանի բարձրաստիճան ներկայացուցիչների հետ, միևնույն ժամանակ մենք նույնպես բանակցում ենք։ Այդօրինակ կարևոր նախաձեռնությունների իրագործումը պահանջում է բավական նախապատրաստական ժամանակ, և այդ հարցը ներկայումս զարգացման փուլում է»,- ասել է նա։
Խոսելով Ղարաբաղյան հակամարտության կարգավորման հարցի մասին՝ Սեկուտան ընդգծել է, որ դրանով ակտիվորեն զբաղվում է ԵԱՀԿ Մինսկի խմբի ամերիկացի համանախագահ Ջեյմս Ուորլիքը։
