Այսօր՝ հուլիսի 17-ին, ողբերգական դեպք է տեղի ունեցել Լոռու մարզում:
Ինչպես հայտնում է shamshyan.com-ը, Վազ 2121 մակնիշի 03 ԼԼ 608 համարանիշի ավտոմեքենայի վարորդ, Լոռու մարզի Հարթագյուղ գյուղի բնակիչ Մանվել Խաչատրյանը նշված ավտոմեքենայով բախվել է բեռնատար գնացքին:
Վթարի հետևանքով Մ. Խաչատրյանը տեղում մահացել է, իսկ 3 հոգի, որոնցից 2-ը՝ մանկահասակ երեխաներ, տեղափոխվել են Սպիտակի հիվանդանոց:
Վթարի վայր են ժամանել ՀՀ տարածքային կառավարման և արտակարգ իրավիճակների նախարարության Փրկարար ծառայության Սպիտակի հրեջ-փրկարարական ջոկատը՝ 1 մարտական հաշվարկով: Ժամանել են նաև նաև Ճանապարհային ոստիկանության 2-րդ սպայական գումարտակի 5-րդ վաշտի աշխատակիցները՝ վաշտի հրամանատար Էդգար Սուսլիյանի գլխավորությամբ:
Վթարի վայր են ժամանում նաև Հայաստանի քննչական կոմիտեի Լոռու մարզային քննչական վարչության և նույն վարչության Սպիտակի քննչական բաժնի քննչական խմբերը՝ մարզի քննչական վարչության պետ Թաթուլ Շուշանյանի գլխավորությամբ: Ֆոտոլրագրողը հայտնում է նաև, որ գյուղապետի դին հայտնաբերվել է ավտոմեքենայից դուրս, իսկ բեռնատար գնացքը ավտոմեքենան մոտ 400 մետր հեռավորությամբ քշել-տարել է:
Մանրամասները՝ սկզբնաղբյուր կայքում