Վաղ գարնանը ամերիկացիները մեկնում են Վաշինգտոն, որտեղ Սպիտակ տան և Կապիտոլիումի առջև գտնվում է հայտնի սակուրաների պուրակը: Մարտի 20-ից ապրիլի 14-ը Վաշինգտոնում տեղի կունենա ծաղկող սակուրաների փառատոնը:
Ծաղկած ծառերով հիանալու են գալիս աշխարհի տարբեր ծայրերի զբոսաշրջիկները: Այս տարի Վաշինգտոնը սպասում է 1 մլն-ից ավելի հյուրերի:
Սակուրան սովորաբար ծաղկում է վաղ գարնանը և իր սպիտակ հագուստը կրում է ավելի քան 10 օր: Ճապոնիայում սակուրան համարվում է հաստատակամության և գեղեցկության խորհրդանիշը, նշում է Argumentiru.com կայքը: