Մոսկվա կինոթատրոնի մոտից մեկնարկեց «Ո՛չ թալանին» նախաձեռնության անդամների կազմակերպած երթը դեպի ՀՀ գլխավոր դատախազություն, որով նախաձեռնության անդամները պահանջելու են պատժել այն ոստիկաններին, ովքեր հունիսի 23-ին և դրան հաջորդող դեպքերի ժամանակ բռնի ուժ են կիրառել էլեկտրաէներգիայի սակագնի թանկացման դեմ պայքարող քաղաքացիների նկատմամբ
Այս պահին երթի մասնակցիները նստել են Մաշտոց-Ամիրյան փողոցների խաչմերուկում և փակել են փողոցը:
Նախաձեռնության անդամ Մաքսիմ Սարգսյանը նշեց, որ իրենց պահանջն է՝ ոստիկանությունը մաքրել սրիկաներից ու պատժել վերջիններիս, ինչպես նաև պահանջում են կարճվի գյումրեցի ակտիվիստ Կարեն Պետրոսյանի դեմ քրգործը:
Ակցիայի մասնակիցների ձեռքին կան հունիս 23-ին բռնություն գործադրած ոստիկանների լուսանկարներ, ինչպես նաև ՀՀ ոստիկանապետ Վլադիմիր Գասպարյանի, Հունան Պողոսյանի և Լևոն Երանոսյանի լուսանկարներով պաստառներ, որոնց վրա գրված են՝ «սթափվեք», «պատժել», «ամաչեք ծնողների զավակներ» և այլ գրություններ:
Հավաքի երթուղին է Մոսկվա կինոթատրոն-Թումանյան-Մաշտոց-Ամիրյան-Հանրապետության հրապարակ-Վազգեն Սարգսյան-ՀՀ Գլխավոր դատախազություն
Նշված պահանջի կետերը չկատարելու պարագայում նախաձեռնության անդմաները նշում են, որ ամբողջ պատասխանատվությունը մնում է անձամբ Վովա Գասպարյանի վրա:
