Բրիտանական The Guardian թերթի փոխանցմամբ՝ Իրանի արտգործնախարար Մոհամմադ Ջավադ Զարիֆն այսօր Վիեննայում մեկնարկած «Վեցյակի» արտգործնախարարների հետ եզրափակիչ լիագումար նիստի ժամանակ հայտարարել է, որ ձեռք բերված համաձայնագիրը շահավետ կլինի երկու կողմի համար էլ։
Զարիֆն ընդգծել է, որ իրենք համաձայնագիրը դիտարկում են «շահի՛ր-շահի՛ր» սկզբունքով, թեև այն չեն համարում կատարյալ։ Զարիֆի խոսքով՝ միջուկային գործարքը նոր հորիզոններ է բացում լուրջ խնդիրների հետ աշխատելու համար, որոնք ազդում են միջազգային հանրության վրա:
«Կարծում եմ, որ սա պատմական պահ է։ Մենք հասանք համաձանագրին, որը թեև կատարյալ չէ որևէ կողմի համար, այնուամենայնիվ մեզ հաջողվեց անել դա։ Այս օրը կարող էր լինել հույսերի ավարտ, սակայն մենք սկսում ենք հույսի նոր էջ»։
