ԱՄՆ-ի Հարավային Դակոտա նահանգում ընդունվել է օրենք, որը ուսումնական շրջաններին թույլ է տալիս զինել ուսուցիչներին և դպրոցի մյուս աշխատակիցներին, հաղորդում է BBC News-ը:
Հանրապետականների առաջարկած օրենքը ուժի մեջ կմտնի հուլիսից: Այն ուսուցիչներին չի պարտավորեցնում զենք կրել դպրոցում և կրթության կառավարման մարմիններից չի պահանջում զինել ուսումնական հաստատությունների աշխատակիցներին, այլ միայն ընտրություն է տրամադրում նրանց:
Զենք կրելու իրավունք ստացած ուսուցիչները կոչվելու են «դպրոցի անվտանգության աշխատակից», որոնց նախապատրաստմամբ զբաղվելու են իրավապահ մարմինները:
Նախաձեռնության հեղինակների կարծիքով` այն կօգնի կանխել դպրոցի վրա հարձակումները:
