«Սաղ գյուղացու օգնությունը լափում են, հերիքա ուտեն, կշտանալ էլ կա, ավելի լավ է դեմքով գյուղացուց շուռ գան, մեզ իրանցից բան պետք չի, ամեն ինչում խանգարում են»,- «Առաջին լրատվական»-ի հետ զրույցում ասացին Արարատի մարզի Կանաչուտ գյուղի բնակիչները՝ շեշտելով, որ վարչապետից միչև նախարար ձևական հայտարարություններ են անում գյուղացիներին օգնելու վերաբերյալ:
Նրանք բարկացած պատմում էին, որ այսօր իրենց գյուղը դատարկվում է. «Արարատյան դաշտավայրը տեղով ոսկի է, լափեցին, տեսե՛ք, գյուղում մի քանի ջահել է մնացել, ո՛չ ջուր կա, ո՛չ ապրանք ենք մթերում, ո՛չ էլ թոշակ են նորմալ տալիս»,- նշեցին նրանք: Գյուղացիները կեսկատակ մի քանի խորհուրդ տվեցին Գյուղատնտեսության նախարարին. «Ռեկլամիստ է մեր գյուղնախարարը, ծիրանի հետ է նկարվում ձևական, թող իրանց տան հետևի յոլկայի հետ նկարվի, թող գյուղացուն հանգիստ թողնեն»,- նշեցին նրանք:
Գյուղացիները պարբերաբար շետում էին, որ մարզում գյուղացու համար ջուր չկա, բայց պաշտոնյանների համար ջուր ու հարկային արտոնություններ կան. «Սաղ արտոնությունները հարուստների համար են, թե չէ գյուղացին մենակ հողի հետ է»,- նկատեցին նրանք: Փոխարենը գյուղացիները շեշտեցին, որ իրենց գյուղում էլ հարուստ կա՝ նախագահի խորհրդական Ալիկ Սարգսյանը, բայց գյուղացու պես է իրեն պահում. «Իրա նման մի քանիսը լինեն, լավ կլինի»,- նկատեցին նրանք՝ հավելելով, որ Ալիկ Սարգսյանը ինչով կարողացել է, օգնել է: Գյուղացիները պնդում էին, որ կառավարության հետ այլևս հույսեր չեն կապում , մանավանդ, որ գիտեն, թե վարչապետից սկսած՝ ովքեր են. «Հովիկ Աբրահամյանը ասում է 5 մլն դրամը տարեկան վաստակել է պոմիդոր մշակելով, անհնարին բան է, բացառվում է, Էդ որտուց եղավ հողերով հարստացան, մենք գիտենք էտ որտուց հարստացան»,- նշեցինք նրաք՝ հորդորելով վարչապետին եկեղեցի կառուցելու փոխարեն բիզնեսների հարկերը վճարել .«Մեզ պետք չի էտ բարերարությունը, մենք կաշխատենք, կարարենք, թող հարկերը մուծեն, հարկերը, ո՞վ է բարեգործ, մե՞նք, թե՞ իրանք, մենք են իրանց պահում, թրփոշացնում»,- նշեցին նրանք:
Գյուղացիները նաև ասացին, որ խնդրում են, որ գյուղացիներին ընդունի երկրի նախագահը: Պատասխանելով , թե ինչու չեն փորձում համագյուղացի Ալիկ Սարգսյանի միջոցով խնդրանք փոխանցել, գյուղացիները պատասխանեցին.«Պետք չի, թող հանկարծ չմտածեն մեզ տրամադրել է Ալիկ Սարգսյանը, որ սենց խոսենք, մենք խոսում ենք մեր հոգսերից»- ընդգծեցին նրանք:
Մանրամասները՝ տեսանյութում:
