Շաբաթ օրը մենք տեղեկացրել էինք, որ Ռուսաստանի խորհրդարանի վերին պալատի նախագահ Սերգեյ Միրոնովը հրաժարական է տվել Ռուսաստանում ամենախոշոր կուսակցություններից մեկի` «Արդար Ռուսաստանի» ղեկավարի պաշտոնից: Ведомости-ն գրում է, որ կուսակցության համագումարի կուլուարներում քննարկվում էր, թե, 2012 թ. նախագահական ընտրություններին ընդառաջ, Միրոնովը տեղ է բացում նախագահ Դմիտրի Մեդվեդևի համար, որպեսզի վերջինս, գլխավորելով «Արդար Ռուսաստանը», փորձի կուսակցական մակարդակով արժանի պայքար մղել Պուտինի դեմ:
Շատերի համար կուսակցությունում անակնկալ է եղել այս հրաժարականը, որի մասին նրանք իմացել են համագումարից մի քանի րոպե առաջ: Независимая газета թերթը գրում է, թե նախագահի աշխատակազմում դժգոհ են, որ առճակատում կա իշխող «Եդինայա Ռոսիա»-ի և Միրոնովի կուսակցության միջև, և կարծում են, որ Միրոնովի հրաժարականով այս խնդիրը կլուծվի:
Հիշեցնենք նաև, որ Միրոնովը լուրջ քննադատության է ենթարկել իշխող կուսակցությանը և հայտարարել, թե չի պաշտպանելու նրա առաջադրած նախագահի թեկնածուին։