Ռուսական TASS լրատվական գործակալության փոխանցմամբ՝ այսօր Ուֆայում տեղի է ունեցել Ռուսաստանի ու Իրանի նախագահներ Վլադիմիր Պուտինի և Հասան Ռուհանիի հանդիպումը: Հանդիպման ժամանակ Պուտինը գոհունակություն է հայտնել երկու երկրների հարաբերությունների զարգացման կապակցությամբ:
«Ընդհանուր առմամբ մենք կարող ենք գոհ լինել, թե ինչպես են զարգանում մեր հարաբերությունները: Սակայն մշտապես կան հարցեր, որոնք ուշադրություն են պահանջում մեր կողմից»,- ասել է Պուտինը և շնորհակալություն հայտնել Ռուհանիին՝ BRICS-ի գագաթնաժողովի շրջանակներում անցկացվող միջոցառումներին մասնակցելու համաձայնության համար:
«Իրանը մեր ավանդական, հուսալի գործընկերն է: Մեր հարաբերությունները զարգանում են դրականորեն, չնայած համաշխարհային տնտեսությունում առկա բոլոր բարդություններին: Նախորդ տարի մի փոքր, սակայն այնուամենայնիվ աճել է ապրանքաշրջանառության ծավալը, և այդ միտումը պահպանվել է ընթացիկ տարվա առաջին եռամսյակում»,- ասել է ՌԴ նախագահը:
