«Եթե նախաձեռնող նոր խումբը չառաջարկի քայլերի հաջորդականություն, հստակ ծրագիր, ապա շարժումը այսպես էլ պասիվ կմնա: Առանց կազմակերպչական աշխատանքի նման շարժումը վերակենդանացնել չի ստացվի»,- «Առաջին լրատվական»-ի հետ զրույցում անդրադառնալով վերջին օրերի իրադարձություններին՝ ասաց անկախ փորձագետ Հայկ Բալանյանը:
Մեր զրուցակիցն ընդգծեց, որ արդյունավետ կլինի մշակել երկարաժամկետ ռազմավարություն. «Եթե դու պետք է գնաս մի գործողության, որից հետո քայլ չունես, որը տանում է ուղղակի բախման կամ մարդկանց պարզապես հյուծելու է, ապա անիմաստ է: Պետք է առաջին հերթին շտկվի ռազմավարությունը: Բացի այդ, ժամանակն է, որ նախաձեռնությունը սովորի աշխատել նոր ձևաչափով, որովհետև միայն լոկալ խնդիրներ Հայաստանում դնելով, զբաղվել քաղաքականությամբ՝ առանց աշխարհաքաղաքականության, զբաղվել քաղաքականությամբ՝ առանց կուսակցությունների հետ հարաբերությունները ճշգրտելու՝ չի ստացվի»,- ասաց նա:
Հայկ Բալանյանի կարծիքով՝ իշխանություններն այդ ցույցերն օգտագործեցին Ռուսաստանի հետ առևտուրն ավարտելու համար:
Հարցազրույցն ամբողջությամբ՝ մեր տեսանյութում։