Օքսֆորդի գիտնականները հետաքրքիր փորձ են կատարել՝ ապացուցելով, որ գիրք կարդալիս մարդու ուղեղը մարզվում է:
Գաղափարը գրական անգլերենի մասնագետ Նաթալի Ֆիլիպսինն էր: Նա ուզում էր պարզաբանել՝ կարո՞ղ է արդյոք գրականությունը հումանիտար, մշակութային և պատմական տեսանկյունից բացի, այլ՝ ավելի շոշափելի օգուտ տալ մարդուն: Ստենֆորդի համալսարանի հետազոտողները, որոնք զբաղվում են ուղեղի նյարդային և կոգնիտիվ գործունեության ուսումնասիրությամբ, որոշեցին փորձ կատարել: Կամավորներին առաջարկվեց կարդալ Ջեյն Օսթինի «Մենսֆիլդ զբոսայգին» վեպը: Ընդ որում՝ նրանք պետք է առաջին անգամ պարզապես կարդային գիրքը, իսկ երկրորդ անգամ ուսումնասիրեին այն: Ընթերցելու ընթացքում նրանք գտնվել են մագնիտառեզոնանսային տոմոգրաֆիայի սարքի ներսում, որպեսզի գիտնականները հնարավորություն ունենային հետևելու նրանց ուղեղի աշխատանքին:
Պարզվել է, որ ընթերցանության ընթացքում փոխվում է արյան շրջանառության առանձնահատկությունը: Ապացուցվել է, որ գրքի մեջ խորասուզվելիս մարդը մտովի պատկերացնում է իրեն հերոսի դերում, ինչը հանգեցնում է ուղեղում մի շարք գործառույթների, որոնք պասիվ են այլ ժամանակ: Հետաքրքիր է, որ այդ էֆեկտը չի գործում հեռուստացույց դիտելիս կամ համակարգչային խաղեր խաղալիս:
