Այսօր Կրասնոդարի մարզի նահանգապետը «Ֆորմուլա-1»-ի սեփականատեր Բերի Էքլստոունի հետ կստորագրի պայմանագիր, որով Սոչիում կանցկացվեն այդ դասի մրցումներ:
Ըստ պայմանագրի՝ Ռուսաստանն իրավունք է ստանում 2014-2020թթ. անցկացնել ավտոարշավներ՝ պայմանագիրը եւս հինգ տարով երկարացնելու իրավուքնով: Մրցուղին կկառուցվի Օլիմպիական պուրակում` Սոչիի Իմերեթական հովտում:
Պայամանգրի ստորագրության արարողությանը կմասնակցի նաեւ Ռուսաստանի վարչապետ Վլադիմիր Պուտինը: Նրա մասնակցությունը պատահական չէ, քանի որ այս մրցումների անցկացման համար ավելի քան 30 տարի նախ պայքարել է Խորհրդային Միությունը, ապա եւ Ռուսաստանը:
Global Broadcast Report-ի տվյալներով, Ֆ-1-ի ավտոարշավներին հետեւում է ավելի քան 600 մլն մարդ: Իսկ այն քաղաքները, որտեղ տեղի են ունենում ավտոարշավերը, հավաքում են տասնյակ հազարով տեղացիների եւ զբոսաշրջիկների, ովքեր լցնում են հյուրանոցները եւ գնում են հուշանվերներ, ովքեր լրացուցիչ գումարներ են ապահովում մրցումներն անցկացնող ընկերություններին եւ Բերնի Էքլսթոունին: Օրինակ՝ վերջին մրցումները Մոնթե-Կարլոյում հավաքվել էին մոտ 4 միլիոն հանդիսատեսի:
Բրիտանական Delta 3 ընկերությունը, որին պատկանում է ավտոարշավների ցուցադրության իրավունքները, անցած տարի ստացել է $1,1 մլրդ եկամուտ:
