ԱՄՆ-ի կառավարությունը կանի հնարավոր ամեն բան երկրի ազգաբնակչության վրա բյուջեի կրճատման հետևանքները մեղմացնելու համար: Այս հայտարարությունն արել է Բարաք Օբաման Սպիտակ տանն այսօր իր աշխատակազմի հետ անցկացրած նիստում: Օբամայի վերընտրվելուց հետո սա առաջին նիստն էր:
«Մենք հնարավոր ամեն բան կանենք, որպեսզի մեղմացնենք հետևանքները (սեկվեստրի) ամերիկյան ընտանիքների վրա,- ասել է աշխատակազմի ղեկավարը:-Ես ոչ միայն Սպիտակ Տանը, այլև բոլոր նախարարություններին կարգադրել եմ միջոցներ ձեռնարկել, որպեսզի, չնայած կրճատման հետ պայմանավորված խնդիրներին, մենք չդադարեցնենք մեր աշխատանքները, որպեսզի անենք հնարավորինս տնտեսության աճի և մարդկանց վիճակի բարելավման համար»:
Անցած ուրբաթ Օբաման հրաման է ստորագրել ամերիկյան կառավարության աշխատանքների հատուկ կարգի վերաբերյալ, որը պայմանավորված է սեկվեստրի մոտենալու հետ: Փաստաթղթի համաձայն՝ սեպտեմբերին ավարտվող ընթացիկ ֆինանսական տարում ծախսերը պետք է կրճատվեն 85 միլիարդ դոլարով, որից 46 միլիարդը բաժին կընկնի Պենտագոնին, իսկ մնացածը քաղաքացիական սեկտորին: Օբաման զգուշացրել էր Կոնգրեսին, որ կրճատումները լուրջ ազդեցություն կունենան միջին խավի վրա: