Թվում է Քրիստինա Ագիլերան մոռացել էր ոսկե օրենքը` «Վստահի՛ր, բայց ստուգի՛ր»: Հակառակ դեպքում՝ ինչո՞վ կարելի է բացատրել 34-ամյա երգչուհու այդքան թեթևամիտ արարքը: Նա իր ամբողջ ֆինանսների (130 միլիոն դոլար) ղեկավարումը հանձնել է իր փեսացու և պրոդյուսեր Մեթ Ռաթլերին: Այս մասին հայտնում է wday.ru-ն:
Քրիստինան նկատի է ունեցել, որ իր սիրեցյալը ընդունակ կլինի ղեկավարելու իրենց միասնական բյուջեն, սակայն նա սկսել է անվերահսկելի կերպով ծախսել երգչուհու փողերը ոչ միայն ընտանիքի, այլև սեփական կարիքների և զվարճությունների վրա` ոսկե ժամացույցների գնումից մինչև առցանց-խաղատներում պարբերաբար խաղալով խոշոր խաղադրույքներով:
Քրիստինայի ընկերները լրջորեն մտահոգված են. այդքանից հետո եթե նա ամուսնանա նրա հետ առանց ամուսնական պայմանագրի, ապա նա ռիսկի կենթարկի իր կարողության մեծ մասը ապահարզանի դեպքում:
