Ուգանդայի բնակիչը, ով պաշտոնապես ճանաչվել է որպես երկրի ամենատգեղ տղամարդ, 8-րդ անգամ հայր է դարձել։ Այս մասին հայտնում է Metro պարբերականը։
47-ամյա Գոդֆրի Բագուման և նրա 30-ամյա կինը՝ Քեյթ Նամանդրա դուստր են ունեցել։ Երեխան նրանց ընտանիքում 6-րդն է դարձել։ Բագուման առաջին ամուսնությունից երկու երեխա ունի։
Գիտությաննն անհայտ հիվանդությամբ տառապող Բագուման նախկինում կոշկակար է աշխատել և 2002 թվականին մասնակցել մրցույթի՝ ամենատգեղ տղամարդու կոչման համար։ Նա մրցույթի է գնացել՝ հույսով, որ կհաղթի և գումար կաշխատի իր ընտանիքի համար։
Տիտղոսը ստանալով՝ Ուգանդայի բնակիչը փոխել է զբաղվածության բնույթը՝ դառնալով երգիչ։ Նա ընտրել է բեմական կեղծանուն՝ Ssebabi։
Բագուման առաջին կնոջից հեռացել էր՝ իմանալով նրա անհավատարմության մասին։
