Պակիստանի հարավում անոմալ շոգի զոհերի թիվը հասել է 570-ի։ Այս մասին հայտնում է «Սինհուա» գործակալությունը՝ հղում անելով երկրի պետական հեռուստատեսությանը։ Ավելի վաղ հաղորդվել էր 200 զոհի մասին։
Մոտ 300 անձ անոմալ շոգից մահացել են Կարաչի քաղաքի 4 խոշոր հիվանդանոցներում։ Տեղի իշխանությունների տվյալներով՝ զոհերի մեծ մասը 50-ից բարձր տարիքի են։
Կարաչիում հանգստյան օրերին ջերմաչափի սնդիկի սյունը բարձրացել է մինչև 45 աստիճան։ Երկուշաբթի տեղացած թեթևակի անձրևը փոքր-ինչ մեղմել է իրավիճակը։ Բժիշկները բնակիչներին խորհուրդ են տալիս խուսափել երկար ժամանակով գտնվել արևի տակ և հագնել թեթև բամբակյա հագուստ։
