Թուրքիայի նախագահ Աբդուլլահ Գյուլը դարձյալ հայտարարել է, թե հայ-թուրքական հարաբերություններում անձայն դիվանագիտություն է ընթանում։ Milliyet-ի փոխանցմամբ, Թուրքիայի նախագահը Chatham House-ի կողմից մրցանակ ստանալուց առաջ պատասխանել է լրագրողների հարցերին։ Լրագրողներից մեկի դիտարկմանը, թե Գյուլը հայ-թուրքական հաշտեցման համար Լոնդոնում մրցանակ է ստանալու, սակայն, իրականում, այդ հարցում ոչ մի զարգացում էլ չկա, Գյուլն արձագանքել է. «Թուրքիա-Հայաստան հարաբերությունների կարգավորումը ո՛չ մահացած է, ո՛չ սառեցված ։ Որոշ բաներ մի քիչ անձայն են ընթանում»,- պատասխանել է Աբդուլահ Գյուլը։
