Կատալոնական «Բարսելոնա»-ի նախկին նախագահ ու առաջիկա նախագահական ընտրություններում թեկնածությունն առաջադրած Ժոան Լապորտան հայտարարել է, որ պատրաստ է ընտրվելու պարագայում պայքարել ակումբի արժեքների պահպանման համար։
«Թիմի կորիզը նույնն է, որը կար իմ՝ նախագահի պաշտոնը լքելիս։ Հուսով եմ՝ ընտրությունների օրը մարդիկ լողափերում հանգստանալու փոխարեն կգան ու կքվեարկեն։
Մարզաշապիկի վրա գովազդ տեղադրելուց զատ «Բարսելոնա»-ն ունի մի շարք այլ հնարավորություններ եկամուտ ստանալու համար։ Սա արժեքի պահպանման հարց է, իսկ ես պայքարելու եմ դրա համար»,- Լապորտայի խոսքերը մեջբերում է Football Espana-ն։
Հիշեցնենք, որ 2013թ․ ակումբի պատմության մեջ առաջին անգամ մարզաշապիկին տեղադրվեց հովանավորի գովազդ։ «Բարսելոնա»-ն պայմանագիր էր ստորագրել Qatar Airways-ի հետ։
Մինչև 2006թ․ «Բարսելոնա»-ի մարզաշապիկին ոչ մի գրություն չի եղել, իսկ 2006-13թթ ակումբը բարեգործական նպատակներով մարզաշապիկին փակցրել էր Unisef-ի լոգոտիպը։
