Թուրքական Cumhuriyet թերթի փոխանցմամբ՝ այն բանից հետո, ինչ Սիրիայի քրդերը ԴԱԻՇ-ի զինյալներից ազատագրեցին Թուրքիայի սահմանին մոտ գտնվող Թել-Աբյադ քաղաքը, նրանք հայտնաբերել են 500 մետր երկարություն ունեցող մի թունել, որը ԴԱԻՇ-ը պլանավորել էր հասցնել մինչև Թուրքիա: Թունելի բարձրությունը 2 մետր է, իսկ լայնությունը՝ 1-1.5 մետր:
Ընդգծվում է, որ թունելն օգտագործվել է ԴԱԻՇ-ի զինյալներին միջազգային դաշինքի ավիահարվածներից և քրդերի հարվածներից պաշտպանելու համար: Բացի դրանից՝ այն պետք է հասցվեր Թուրքիայի սահման՝ այնտեղից ռազմական համալրումներ և կենսական կարևորության օգնություն ստանալու համար: Սակայն քրդական ջոկատների կողմից քաղաքի ազատագրումը խափանել է այդ պլանը, և թունելը մնացել է կիսակառույց վիճակում:
