Thursday, 28 03 2024
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ
20:40
Սևաստոպոլում ռազմական ինքնաթիռն ընկել է ծովը

Ավանդապաշտ Եվրոպան և հեղափոխական իրավիճակը

Հայաստանի հարցով ԵԱՀԿ համազեկուցողներ Ալեքսիս Ֆիշերն ու Ջոն Պրեսկոտը այսօր հայտարարություն են տարածել Հայաստանում առկա իրավիճակի վերաբերյալ, որում Հայաստանի իշխանություններին կոչ են անում ժողովրդավարական բարեփոխումների հարցում նախաձեռնություններից անցնել գործողությունների:

Մի հարց է առաջանում, իհարկե, թե իսկ ԵԽԽՎ-ն ու նրա համազեկուցողները ե՞րբ են Հայաստանի ժողովրդավարության հարցում անցնելու կոնկրետ գործողությունների և կատարելու իրենց պարտքը ԵԽ անդամ պետության քաղաքացիների առաջ: Իսկ այդ պարտքն այն է, որ ԵԽ տարատեսակ պաշտոնյաները պետք է ժողովրդավարության հարցում կոնկրետ աջակցություն ցույց տան Հայաստանի քաղաքացիներին, ոչ թե քաղաքականությամբ զբաղվեն Հայաստանի իշխանության հետ: Այլապես հայտարարությունները, թե Հայաստանում Մարտի 1-ից հետո ձերբակալվածների առկայությունն ու սպանությունների բացահայտված չլինելը «թունավորում են Հայաստանի քաղաքական միջավայրը», ծիծաղից բացի, որևէ այլ բան իշխանության մոտ առաջացնել չեն կարող:

Թերևս հայտարարության փոխարեն ավելի ազդեցիկ կլիներ այն, որ Հայաստան կատարած հաջորդ այցին համանախագահները Երևան գային հակագազներով և ամբողջ այցի ընթացքում դրանք չհանեին` մթնոլորտից չթունավորվելու համար: Թեև իհարկե, հասկանում ենք, որ հակագազը համանախագահներին կխանգարեր սնվել, իսկ հայկական խոհանոցի գայթակղությունն իսկապես մեծ է: Ընդհանուր առմամբ, եթե մի պահ մոռանանք, որ սա եվրաչինովնիկների հերթական հայտարարությունն է` Հայաստանի ժողովրդավարական իրավիճակի վերաբերյալ, հայտարարությունը բավական կոշտ է և արտացոլում է իրականությունը:

Բայց դատելով այն իրողությունից, որ Մարտի 1-ից երեք տարի անց ԵԽԽՎ համազեկուցողները դեռ կոչ են անում Հայաստանի իշխանությանը խոսքից գործի անցնել բարեփոխումների հարցում, վստահաբար կարելի է եզրակացնել, որ կա՛մ Եվրոպայում օրացուցային լուրջ խնդիրներ կան` տարեթվերի հետ կապված, կա՛մ էլ լուրջ խնդիրներ կան` համազեկուցողների գործունեության հետ կապված, որի արդյունքը փաստորեն զրոյական է: Թեև իհարկե, պետք չէ բացառել, որ տարբեր քաղաքական կոնյուկտուրաներում հնչած միևնույն բովանդակությունը կարող է ունենալ տարբեր ազդեցություն և արդյունք: Համենայն դեպս, ակնհայտ է, որ ներկայումս Հայաստանում բոլորովին այլ ներքաղաքական իրավիճակ է, և այդ իրավիճակի ֆոնին արդեն նմանօրինակ հայտարարությունները կամա, թե ակամա կարող են ունենալ բոլորովին այլ ռեզոնանս և ընկալում թե՛ իշխանական համակարգում, թե՛ հասարակական շրջանակներում և թե՛ արտաքին տիրույթում:

Հետաքրքրականն այստեղ այն է, որ ներկայիս բուռն ներքաղաքական իրավիճակում, երբ ընդդիմությունը` Հայ ազգային կոնգրեսը, անցել է ակտիվ գործողությունների փուլի, ԵԽԽՎ համազեկուցողները իրենց հայտարարությամբ ոչ թե փորձում են նպաստել իրավիճակի հավասարակշռմանը և որոշակի աջակցող ձևակերպումներ հղել իշխանությանը, այլ բավական հստակ տոնով հանձնառություններ են դնում իշխանության վրա: Այդ համատեքստում ուշագրավ է նաև ԱՄՆ պետդեպարտամենտի զեկույցը, որը ևս հրապարակվեց Հայաստանի բուռն ներքաղաքական իրավիճակի ֆոնին և որում ևս ամանևին փորձ չկար այսպես ասած «պահել» իշխանությանն ընդդիմության ակտիվության այս փուլում, այլ կային բավական կոշտ ձևակերպումներ և գնահատականներ: Այլ կերպ ասած` անցած ժամանակահատվածում սովորաբար դիվանագիտական նրբություններով իշխանությանն աջակցած միջազգային կառույցներն այս անգամ կարծես թե չեն ցուցաբերում այդ դիվանագիտական նրբությունը:

Մեծ հաշվով, գուցե նմանօրինակ շեշտադրումներ եղել են նաև նախկինում, բայց մի բան է, երբ դրանք լինում են ընդդիմության հարաբերական պասիվ և դանդաղ մարտավարության շրջանում, մեկ այլ բան, երբ ընդդիմությունը իրար հետևից գումարում է բազմամարդ հանրահավաքներ և նաև որոշակի վերջնագրային տոն հաղորդում իր ռիտորիկային:

Բաժիններ
Ուղիղ
Լրահոս
Որոնում