ԵՊՀ ռեկտորի օգնական Գևորգ Մելքոնյանի՝ նախօրեի պահվածքը, երբ նա ուսանողական երկու խմբերի հանում էր իրար դեմ և մեղմ ասած՝ անվայել ռեպլիկներ էր բարձրաձայնում, համապատասխան արձագանք է գտել ԵՊՀ դասախոսների շրջանում:
«Հայկական ժամանակը» գրում է, որ երեկ ԵՊՀ տարբեր ֆակուլտետների դասախոսների և ուսանողների շրջանում ստորագրահավաք է սկսվել Մելքոնյանին պատժելու պահանջով: Ռեկտոր Ա.Սիմոնյանը, սակայն, առայժմ գնում է Մելքոնյանին արդարացնելու ճանապարհով: