Պետք չէ խրտվիլակ սարքել և այդ խրտվիլակին ոչնչացնել. Փոխվարչապետը՝ տնտեսական ճգնաժամի մասին

Փոխվարչապետ, միջազգային տնտեսական ինտեգրման և բարեփոխման նախարար Վաչե Գաբրիելյանն այսօր ԱԺ-ում լրագրողների հարցին ի պատասխան, թե կառավարությունը հայտարարում է, որ նախորդ տարվա բյուջեն կատարեց, բայց մենք տեսնում ենք հակառակ պատկերը՝ Հայաստանում աղքատությունն ավելանում է, մարդիկ արտագաղթում են, գործազրկությունն աճում է, պատասխանեց. «Հիմա եկեք չսարքենք չեղած բաներ, արտահայտություն կա՝ խրտվիլակ սարքել և այդ խրտվիլակին ոչնչացնել: Որևէ մեկը չի պնդում, որ լավ է, որ սրանից լավը երբեք չի եղել: Բայց միաժամանակ չենք կարող ասել, որ իրավիճակն այնպիսին է, որ մեզ մոտ ճակատագրական ու խորը ճգնաժամ է տեղի ունենում: Երբ որ մենք նայում ենք թվերը, տեսնում ենք, որ դրանք այդպիսին չեն»,- ասաց նա: