Մալազիայում տեղացիների կողմից սուրբ համարվող Կինաբալու սարի վրա մերկանալու մեղադրանքով ձերբակալվել է չորս օտարերկրացի: 20-33 տարեկան կանադացի երկվորյակները, բրիտանուհին և հոլանդացին չորս օր կանցկացնեն հսկողության տակ: Նրանց սպառնում է մինչև երեք ամսվա բանտարկություն և տուգանք, այդ մասին հայտնում է Astro Awani-ն:
Ենթադրվում է, որ այդ օտարերկրացիները մի քանի այլ զբոսաշրջիկների հետ մայիսի 30-ին մերկացել են հարավարևելյան Ասիայի ամենաբարձր սարի վրա: Ոստիկանությունը շարունակում է փնտրել մյուս կարգազանցներին:
Մալազիական իշխանությունները հունիսի 8-ին մեղադրել են 10 օտարերկրացիների երկրաշարժ առաջացնելու համար, որի պատճառով զոհվել է 16 մարդ: Սաբահ շրջանի ղեկավարության կարծիքով՝ զբոսաշրջիկները ջղայնացրել են սուրբ Կինաբալու սարի ոգիներին՝ մերկանալով նրա գագաթին:
Ճանապարհորդները լուսանկարներ են տեղադրել սոցցանցում սար բարձրանալիս: Միաժամանակ նրանք հոգացել են բնական կարիքները:
Հիշեցնենք, որ հունիսի 5-ին Կինաբալուի ստորոտում տեղի ունեցավ 5,9 բալ ուժգնությամբ երկրաշարժ, որի արդյունքում զոհվել են 16-18 մարդ:
