Ֆեթհիեի KalemyaBay մասնավոր լողափին գտնվող Hillside Beach Club շքեղ հինգաստղանի հանգստավայրը 6 մենեջեր է փնտրում, որոնք կվարեն հյուրանոցի Instagram-ի էջը 2015 թ. սեզոնին: Այս մասին հայտնում է euromag.ru-ն:
Ընտրված թեկնածուները մեկ շաբաթ կանցկացնեն հանգստավայրում և այդ օրերի ընթացքում կվարեն Hillside Beach Club-ի էջը, նաև Instagram-ով սեմինարներ կանցկացնեն հյուրանոցի հյուրերի համար:
Թեկնածուները պետք է իրենց ամառային լուսանկարները տեղադրեն Instagram-ում և #JobAtHeavenOnEarth հեշթեգով: Լավագույն լուսանկարները կընտրեն ժյուրիի 5 անդամները: Մրցույթի մասին ողջ տեղեկությունը կարելի է գտնել @JobAtHeavenOnEarth ինստագրամյան էջում: HillsideBeachClub հաջողակներին կտրամադրվի 7 անվճար գիշեր այնտեղ անցկացնելու հնարավորություն, ինքնաթիռի տոմսեր, տրանսֆեր և 25% զեղչ ընկերների կամ ընտանիքի համար:
