Արդեն երկու օր է՝ քաղաքական շրջանակներում լուրեր են շրջանառվում, որ երիտասարդների կողմից իրականացվող դասադուլի կազմակերպիչը ՀՀ նախագահի նախկին թեկնածու Անդրիաս Ղուկասյանն է, որը Մաշտոցի պուրակի ակտիվ դերակատարներից էր: Ավելին, նշվում է, թե ակցիայի մասնակիցներն իրականում ուսանողության հետ որևէ կապ չունեն, պարզապես վճարվում են Ա. Ղուկասյանի կողմից:
«Ժողովուրդ»-ի հետ հեռախոսազրույցում, սակայն, Ա. Ղուկասյանը հերքեց այդ լուրերը՝ ասելով. «Բնականաբար, նման տեղեկություններն անհիմն են և չեն համապատասխանում իրականությանը: Նման վճարովի ակցիաների քաղտեխնոլոգիան սովորաբար կիրառում են իշխող ռեժիմները, դա իրենց գործելաոճն է: Իսկ ես այդ ակցիաների հետ որևէ կապ չունեմ»: