Եվրամիության «Արևելյան գործընկերություն» նախաձեռնության անդամ երկրների արտաքին գործերի նախարարների ոչ պաշտոնական հանդիպումը տեղի կունենա հունիսի վերջին Մինսկում: Այս մասին RIA Novosti-ի հետ հարցազրույցում հայտնել է Բելառուսի արտաքին գործերի նախարար Վլադիմիր Մաքեյը:
««Արևելյան գործընկերության» անդամ երկրների արտաքին գործերի նախարարների ոչ պաշտոնական հանդիպումը տեղի կունենա Մինսկում հունիսի վերջին»,- ասել է նա:
Նախարարը նման հանդիպումը ծրագրային միջոցառում է անվանել: «Կամփոփվեն գագաթնաժողովի արդյունքները (Ռիգայի), ոչ պաշտոնական հանգամանքներում կփոխանակվեն հայացքներ այն մասին, թե ինչպես հետագայում կզարգանա այդ նախաձեռնությունը»,- հավելել է Մաքեյը:
«Արևելյան գործընկերություն» նախագիծը չի ենթադրում ԵՄ-ին անդամակցության հնարավորություն, սակայն նպատակաուղղված է ԵՄ-ին Հայաստանի, Ադրբեջանի, Բելառուսի, Վրաստանի, Մոլդովայի, Ուկրաինայի քաղաքական ու տնտեսական ինտեգրմանը:
