Մայիսի սկզբին բրիտանացի կատարող, Grammy-ի 4 մրցանակի դափնեկիր Սեմ Սմիթը երկրպագուներին հայտարարել էր, որ իր ձայնային կապերը հիմա «ոչաշխատանքային» վիճակում են, և այդ խնդիրն ուղղելու համար իրեն վիրահատություն է անհրաժեշտ: Այս մասին հայտնում է starslife.ru-ն:
Վիրահատությունը պետք է շուտով լիներ, իսկ վերականգնողական շրջանը պետք է մի քանի շաբաթ տևեր: Եվ հիմա՝ լռության 3 շաբաթից հետո (բառացի), բժիշկները Սեմին թույլատրել են խոսել: Այն մասին, որ Սմիթը վերադառնում է նորմալ կյանքի, նա հայտնել է Instagram-ի իր էջում: Նա լուսանկար է հրապարակել, որում Ջրահարս է պատկերված, և մեկնաբանել է. «Ես նորից կարող եմ խոսել»:
Ավելի ուշ Սեմը լուսանկար է հրապարակել բժշկի հետ, որը նրան օգնել է վերականգնել ձայնը և բժշկին շնորհակալություն է հայտնել ամեն ինչի համար:
«Երբեք չես հասկանում, թե որքան թանկ է քեզ համար այն, ինչ ունես, քանի դեռ դրանից չես զրկվում: Ես երաժշտություն սիրում եմ և զգում եմ՝ կարծես ինձ օրհնել են, որ նորից երգեմ»,- հավելել է Սեմը:
