Twitter սոցիալական ցանցի օգտվողները սպառնում են բոյկոտել United Airlines ավիաընկերությունը, որի աշխատակիցները արգելել են մուսուլման կնոջը իր հետ սրահ տանել Diet Coke խմիչքի փակ շիշը: Անվտանգության աշխատակիցները հայտարարել են, որ շշում կարող է պայթուցիկ նյութ լինել, գրում է բրիտանական The Daily Mail-ը:
Հյուսիսարևմտյան համալսարանի աշխատակից Թահիրա Ահմադը Չիկագոյից գնում էր Վաշինգտոն՝ գիտաժողովի: Թե ինչպես նրանից խլեցին կոլայի շիշը, կինը հրատարակել է Facebook և Twitter սոցիալական էջերում հետևյալ հեշթեգով #unitedfortahera:
Ահմադը, ով ունի չափավոր մահմեդականի համբավ և նախագահ Օբամայից անձնական հանձնարարականներ, համարում է, որ դավանանքի հետ կապված այդ արգելքը իր համար ստորացուցիչ է: Նա պատմում է, որ մյուս ուղևորներին թույլատրել են իրենց հետ վերցնել գարեջուր, իսկ երբ այդ մասին ասել է իր կողքի նստածին, վերջինս պատասխանել է. «Դուք՝ մահմեդականներդ, պետք է ձայններդ կտրեք, քանի որ այն կարող եք օգտագործել որպես զենք»:
Հարկ է նշել, որ Ահմադը իր ձեռքբերումների համար անցած տարի մարտին հրավիրվել է ճաշի Սպիտակ տուն՝ մահմեդականների Ռամադան սուրբ ամսվա սկսելու պատվին, ինչպես նաև մասնակցել է Women’s History Month միջոցառմանը:
