Գերմանիայի մայրաքաղաքը կզրկվի Բեռլինյան պատի ամենաերկար հատվածից, հաղորդում է Die Welt-ը: Առանձին հատվածները քանդելու որոշման մասին հայտնել է շրջանի ղեկավար Ֆրանց Շուլցը: Դրանք կտեղադրվեն ափին մոտ՝ նախկին հատվածին զուգահեռ:
Ըստ իշխանությունների՝ սա հարկավոր է այն բանի համար, որպեսզի ապահովեն քաղաքացիների անցուդարձը Մյուլենշտրասսե փողոցով: Հատվածները հարկավոր է վերացնել դեպի Շպրեե գետ հետիոտների նոր անցում բացելու համար, որի շինարարությունը սկսվելու է 2015 թ.:
Բացի այդ, 2013 թ. գարնանը այդ շրջանում ևս մեկ շինարարությունը կսկսվի: Living Bauhaus ընկերությունը պատրաստվում է Բեռլինյան պատի և Շպրեի ափերի միջև կառուցել 63մ բարձրությամբ բնակելի շինություն:
Բեռլինի բնակիչները հանդես են եկել այդ նախաձեռնության դեմ՝ մեղադրելով ամեն ինչում Living Bauhaus-ի նախագծին: Նրանց կարծիքով՝ չի կարելի թույլ տալ ամենաերկար հատվածի ավերումը: Նրանք նաև անթույլատրելի են համարում բնակելի շինության կառուցումը նախկի «մահվան գծի» տարածքում:
