ԵԱՀԿ ԽՎ՝ Հարավային Կովակասի և Լեռնային Ղարաբաղի հարցերով հատուկ ներկայացուցիչ Ժոաո Սոարեշը այս տարվա մայիսի սկզբին իր առաջին այցով կժամանի տարածաշրջան: Այս մասին հաղորդում է ադրբեջանական APA գործակալությունը՝ վկայակոչելով ԵԱՀԿ ԽՎ-ում Ադրբեջանի պատվիրակության ղեկավար Բահար Մուրադովային:
Մուրադովան հայտնել է ԵԱՀԿ ԽՎ ձմեռային նստաշրջանի ընթացքում Սոարեշի հետ հանդիպման մասին: Հանդիպման ընթացքում խոսվել է, որ այդ այցը բազմիցս ներառվել է օրակարգում և հետաձգվել: «Նա վերջնական որոշում է կայացրել, որ այցն անպայման կկայանա այս տարվա մայիսի սկզբին՝ սկզբում Ադրբեջան, Հայաստան, հետո՝ Վրաստան»: Ադրբեջանում Սոարեշը հանդիպումներ կունենա նախագահի, արտգործնախարարի, Միլի Մեջլիսի նախագահի և քաղաքացիական հասարակության ներկայացուցիչների հետ:
Հիշեցնենք, որ Սոարեշը Հարավային Կովակասի և Լեռնային Ղարաբաղի հարցերով հատուկ ներկայացուցիչ է նշանակվել 2011թ. հուլիսի 10-ին: Մինչ այժմ նա որևէ այց տարածաշրջան չի կատարել: