Բրյուսելյան Brussels Beer Project գարեջրատունը սկսել է իրականացնել մի նախագիծ, որի նպատակը հացի մնացորդներից գարեջրի արտադրությունն է՝ այդպիսով վերադառնալով հին ժամանակներ, երբ գարեջրի հիմնական բաղադրիչը եղել է հացը, ոչ թե գարին:
Հացը որպես գարեջրի բաղադրիչ օգտագործելու գաղափարը 31-ամյա ֆրանսիացի Սեբաստյեն Մորվանինն է, որը գարեջրատան հիմնադիրներից մեկն է։ Այս մասին հայտնում է kedem.ru-ն: Միտքը ծնվել է, երբ նա ընկերոջ հետ խոսել է սննդային մնացորդների, մասնավորապես՝ հացի մասին:
Վիճակագրության համաձայն՝ Բրյուսելում սննդային մնացորդների 29%-ը հաց է: Մորվանը հաշվել է, որ գարեջրի համար օգտագործվող գարու մոտ 30%-ը կարող է փոխարինվել հացի 1,5 կտորով՝ մեկ շշի համար: Այդպիսով՝ 4000 լ գարեջուր պատրաստելու համար կպահանջվի մոտ 500 կգ հաց:
Այժմ գարեջրի պատրաստման համար օգտագործում են մոտակա սուպերմարկետների հացը, այն չորացնում են, մանրացնում, խառնում գարու ածիկի հետ: Արդյունքում ստացվում է Babylone անվանումը ստացած 7% թնդության գարեջուր: Ներկայում գարեջուրը վաճառվում է տեղի սրճարաններում ու բարերում:
