Մարդկության ամենից աչքի ընկնող, «ամենալուսավոր» գլուխներով հատվածը վերջապես ունի երկար սպասված և վաստակած իր տոնը. մայիսի 31-ը հայտարարվել է Շիկահերների համաշխարհային օր:
Բազմաթիվ անեկդոտների այս հերոսուհիները, վարսահարդարման արվեստի պատանդները, գլամուրի անմեղ զոհերը, բազմաթիվ ջենթլմենների սիրելիները և վերջապես՝ գերկանացի տրամաբանության կրողների այս տոնը առաջին անգամ նշվել է 2006թ., երբ որոշեցին իրենք իրենց պարգևատրել «Ադամանդե մազակալ» մրցանակով:
Գիտնականների կարծիքով՝ իրական շիկահերը հազվագյուտ երևույթ է. նրանց հաշվարկով՝ 2202թ. Երկրի երեսից կվերանան շիկահերները։ Վերջին 50 տարում նրանց թիվը կրճատվել է 49-14 տոկոսով: Պատճառներից մեկը հետևյալն է՝ որպեսզի երեխան շիկահեր ծնվի, ծնողներից երկուսն էլ պիտի բաց գույնի մազեր ունենան: Երկրորդ՝ աճում է այն երկրների թիվը, որտեղ բնակչության մեծ մասը մուգ գույնի մազեր ունի, իսկ շիկահերները սահմանափակվում են միայն մեկ երեխա ունենալով:
Գիտնականների կարծիքով՝ վերջին շիկահերը կծնվի Ֆինլանդիայում, որտեղ բնակվում է շիկահերների մեծ մասը:
