Եվրասիական տնտեսական միությունը և Վիետնամը ստորագրել են ազատ առևտրի գոտի ստեղծելու համաձայնագիրը: Դա առաջին միջազգային պայմանագիրն է առևտրի արտոնյալ պայմանների մասին, որը կնքվել է ԵՏՄ-ի և երրորդ երկրի միջև: Այս մասին հաղորդում է ria.ru-ն:
ԵՏՄ-ն ընդգրկում է Ռուսաստանը, Բելառուսը, Ղազախստանը, Հայաստանը, իսկ մայիսի 29-ից նաև Ղրղըզստան:
Համաձայնագիրը ներառում է սակագնային ազատականացման դրույթներ ԵՏՄ երկրների և Վիետնամի ապրանքների միջև՝ դրանց մեծ մասի համար ներմուծման տուրքերի նվազեցման կամ զրոյացման հաշվին, ներառյալ՝ ապրանքային անվանացանկերը:
Կողմերի համաձայնությունը, բացի այդ՝ պահպանում է մի շարք ապրանքների դիրքի սակագնային պաշտպանությունը:
Ռուսաստանի և Վիետնամի վարչապետներ Դմիտրի Մեդվեդևը և Նգուեն Տան Զունգը ստորագրել են նաև երկու երկկողմանի արձանագրություններ Վիետնամի և ԵՏՄ-ի միջև:
Երկու վարչապետները նաև ստորագրել են ռուս-վիետնամական համաձայնություն, ըստ որի՝ ռուսական ծառայությունների և ներդրողների համար կստեղծվեն ավելի բարենպաստ պայմաններ Վիետնամում:
