Բրիտանացի մի շարք դերասաններ կոչ են արել Միացյալ Թագավորության կառավարությանը՝ չփոխել մարդու իրավունքների մասին օրենքը, գրում է The Daily Mirror-ը:
Մասնավորապես, կառավարության պլանները քննադատել են Բենեդիկտ Քամբերբետչն ու Վանեսա Ռեդգրեյվը:
Սպասվում է, որ այսօրվա ելույթում Մեծ Բրիտանիայի թագուհի Եղիսաբեթ 2-րդը կհայտարարի Մարդու իրավունքների մասին բրիտանական օրենքում փոփոխություններ կատարելու պլանների մասին:
«Մարդու իրավունքների մասին մեր օրենքը պատկանում է մեզ»,- հայտարարել է Քամբերբետչը տեսաուղերձում: Դերասանի խոսքով՝ քաղաքական գործիչները չպետք է որոշեն՝ երբ կիրառել այդ օրենքը, կամ թե ով է արժանի պաշտպանության:
Դերասանների մասնակցությամբ տեսանյութերը ձայնագրվել էին Liberty իրավապաշտպան խմբի Save Our Human Rights Act արշավի շրջանակում:
