Բուլղարիայի ուղղափառ եկեղեցու առաջնորդը և Սոֆիայի մետրոպոլիտը կընտրվի այսօր՝ տաճարի պատրիարքարանում փակ քվեարկության արդյունքում: Թեկնածուները 3-ն են,- հաղորդում է Itar-Tass-ը:
Նոր պատրիարքի անունը փետրվարի 24-ին կհրապարակի եկեղեցու ընտրության խորհրդի քարտուղարը կամ նրա վստահված անձը: Այնուհետև նորընտիր պատրիարքը եպիսկոպոսների և մետրոպոլիտների ուղեկցությամբ կգլխավորի երթը դեպի Սուրբ Ալեքսանդր Նևսկու տաճար, որտեղ էլ տեղի կունենա նոր հոգևոր պետի գահակալությունը:
Այս իրադարձության հյուրերից են հունական, Ալեքսանդրիայի, վրացական, Երուսաղեմի, Անտիոքի և լեհական ուղղափառ եկեղեցիների ներկայացուցիչները:
Հիշեցնենք, որ Բուլղարիայի նախորդ պատրիարք Մաքսիմը մահացել է նախորդ տարվա նոյեմբերի 6-ին, 98 տարեկանում: մինչև օրս նրա տեղապահ էին մետրոպոլիտ Վարնենսկին և Կիրիլ Վելիկոպրեսլավսկին: